3 ліпеня – Дзень Незалежнасці Рэспублікі Беларусь. Гэта асаблівая дата ў гісторыі нашай краіны. У гэты дзень у 1944 годзе падчас легендарнай аперацыі “Баграціён” Мінск быў вызвалены ад нямецка-фашысцкіх захопнікаў. Тысячы спаленых вёсак, мільёны жыццяў, аддадзеных за свабоду, – беларусы памятаюць, якім коштам дасталася Перамога. Менавіта таму дзень 3 ліпеня рэспубліканскім рэферэндумам 1996 года быў абраны сімвалам незалежнасці нашай дзяржавы.
Сёння Беларусь – гэта краіна з моцнай эканомікай, сучаснай прамысловасцю, культурай, якая развіваецца, і IT-сферай. Але галоўнае яе багацце – людзі: працавітыя, гасцінныя, стойкія, гатовыя аб’ядноўвацца ў цяжкія часы і абараняць сваю зямлю.
Са святам, дарагія суайчыннікі! Няхай наша Беларусь заўсёды застаецца мірнай, суверэннай і квітнеючай! Няхай у кожным доме гучыць радасць, а ў сэрцах – гонар за сваю краіну!
У гонар гэтай знамянальнай даты з 1 па 18 ліпеня ў чытальнай зале нашай бібліятэкі праходзіць кніжная выстаўка “3 ліпеня – Дзень Незалежнасці Рэспублікі Беларусь”. Тут вы пазнаёміцеся з выданнямі аб ваенных урачах і сярэднім медыцынскім персанале, якія ўдзельнічалі ў вызваленні Беларусі. Яны ратавалі жыцці ў палявых умовах, пад агнём выносілі параненых з поля бою, удасканальвалі метады лячэння, якія адпавядаюць суровым рэаліям вайны.
Чакаем усіх на Фабрыцыуса, 28!